Shumica e njerëzve në Zvicër janë në favor të faktit se testet për marrjen e një certifikate Covid nuk duhet të jenë më falas. Këtë e tregon një sondazh i realizuar nga gazetat të shtëpisë mediale, Tamedia.
63 përqind e të anketuarve, pyetjes nëse njerëzit e pavaksinuar duhet të paguajnë për test ose jo, i janë përgjigjur me “po” ose “pak a shumë po”.
Përjashtim në këtë drejtim bëjnë mbështetësit e SVP, të cilët në pjesën më të madhe vazhdojnë të kërkojnë teste falas për certifikata, transmeton albinfo.ch. Megjithatë, të paktën 45 për qind e elektoratit SVP, pjesëmarrës në këtë anketë, kanë miratuar bërjen e testit me pagesë.
