Dita Ndërkombëtare e Poezisë
E kujtojmë me këtë poezi të ndjerë kushtuar Holokaustit nga poetja Gladiola Jorbus
Kaddish
Dita Ndërkombëtare e Poezisë kujtohet përmes kësaj poezie kushtuar Holokaustit
Kuptimi i ëndrrave shtjellohet
në librin e përndjekjeve.
Kur sytë e natës shqyenin madhështinë,
kur makutëria shenjtëronte krimin,
kur e vërteta u kryqëzua mbi altarin e urrejtjes.
Djepi i jetës mbeti bosh.
Toka e zezë – si vejushë.
11 muaj pikëllojnë,
njeriun pa dashuri.
Ndëshkuan fuqinë e mendjes,
afshin e shpirtit,
pushtetin e dijes!
Britmat e terrorit
trandën qiellin.
Dhe makthi – nga gjumi u zgjua.
Dhe të gjithë – i harruan ëndrrat.
Dhe holokausti i dritës – nuk njohu kufi.
Kohë e mjerueshme!
Ofshamë…
Kaddish
thërret për mëshirë.
(Kushtuar Holokaustit)
