Në qytetin e Durrësit, në ditën ndërkombëtare të gruas, bulevardi kryesor i vendit mbushi shkallët me këpucë të kuqe për të përkujtuar gratë që kanë humbur jetën nga dhuna në familje.
“Këpucët e kuqe” u shfaqën për herë të parë sot në Durrës, por ideja daton vite më parë, kur artistja meksikane Elina Chauvet filloi instalacionin “Los Zapatos Rojos” (Këpucët e kuqe) në nder të motrës së saj, që humbi jetën si pasojë e dhunës në familje.
Prej vitit 2009, kur “Los Zapatos Rojos” u krijua, këpucët e kuqe kanë qenë një simbolikë e rëndësishme ndërkombëtare. Prej vitesh, ajo përdoret për të protestuar kundër vrasjes së grave dhe kryesisht dhunës në familje.
