Një 41-vjeçar në provincën lindore Jiangsu në Kinë është konfirmuar si rasti i parë njerëzor i infeksionit me llojin H10N3 të gripit të shpendëve, megjithëse zyrtarët shëndetësorë në Kinë thanë se rreziku i përhapjes në shkallë të gjerë mbetet i ulët.
Burri, një banor i qytetit të Zhenjiang, shkoi në spital më 28 prill pasi kishte temperaturë dhe simptoma të tjera, tha Komisioni Kombëtar i Shëndetit në Kinë.
Ai u diagnostikua se kishte virusin e gripit të shpendëve H10N3 më 28 maj. 41-vjeçari ishte në gjendje të qëndrueshme dhe i gatshëm të dilte nga spitali. Vëzhgimi mjekësor i kontakteve të tij të ngushta nuk gjeti ndonjë rast tjetër.
