Sekretari i Përgjithshëm i Kombeve të Bashkuara, Antonio Guterres ka shprehur shqetësimin e tij nga rritja e dhunës në Izrael dhe Rripin e Gazës, njoftoi zëdhënësi i tij.
“Ai është thellësisht i shqetësuar për numrin gjithnjë e më të madh të viktimave, përfshirë fëmijët, nga sulmet ajrore izraelite në Gaza dhe për viktimat izraelite nga raketat e lëshuara nga Gaza”, tha zëdhënësi.
“Ky përshkallëzim spiral duhet të ndalojë menjëherë”, shtoi ai duke cituar kreun e KB.
