Shefi i Grupit Parlamentar të Partisë Demokratike të Kosovës, Memli Krasniqi, ka njoftuar se Kryesia e Kuvendit ka vendosur që sot në ora 15:00 të mbahet një seancë e jashtëzakonshme, ku do të diskutohet për zhvillimet e fundit në vend dhe rrezikimin e raporteve me Shtetet e Bashkuara të Amerikës.
Krasniqi pas mbledhjes së Kryesisë së Kuvendit tha se këtë seancë e kanë kërkuar për të diskutuar në lidhje me rrezikun që sipas tij, Qeveria Kurti po e shkakton në marrëdhëniet me SHBA-të.
“Sipas kërkesës së PDK-së dhe deputetëve të tjerë sot në ora 15:00 do të mbahet seancë e jashtëzakonshme, për të diskutuar rrezikimin e marrëdhënieve që kjo Qeveri po i shkakton me partnerin strategjik, SHBA-të. Për të parandaluar një katastrofë, kemi vendosur ta ftojmë Qeverinë dhe Kuvendin, me bisedu për arsyet pse kemi ardhur deri këtu”, tha Krasniqi.
