Nëse vuani nga një sëmundje dhe po merrni ilaçe, është e rëndësishme të dini nëse mund të konsumoni apo jo alkool në mënyrë të sigurtë gjatë përdorimit të tyre.
Kur ju jepet medikamenti juaj, çdo paketë duhet të vijë me një fletëpalosje informacioni për pacientin, kjo ndihmon për të detajuar saktësisht se si duhet ta merrni ilaçin.
Kur bëhet fjalë për përzierjen e ilaçeve me alkoolin, ka disa rregulla që duhet t’i përmbaheni gjithmonë, shkruan The Sun, transmeton Klankosova.tv.
Këto janë tri ilaçet pas së cilave nuk duhet të pini kurrë alkool:
1.Propranolol
Propranololi është një medikament që përdoret për të trajtuar dhe ofruar lehtësim simptomash për një sërë problemesh shëndetësore, duke përfshirë ankthin, problemet e zemrës dhe migrenën,
Propranololi është krijuar edhe për të ulur presionin e gjakut, për të ngadalësuar rrahjet e zemrës dhe për të reduktuar forcën e çdo rrahjeje.
2.Antibiotikët
Këshillohet që të shmangni pirjen e alkoolit kur merrni antibiotikë, veçanërisht nëse nuk ndiheni mirë pasi konsumimi i alkoolit mund të ngadalësojë shpejtësinë e shërimit tuaj.
Ka disa antibiotikë që kërkojnë që ju të shmangni plotësisht pirjen e alkoolit kur i merrni.
3.Ilaçet për ftohjen dhe gripin
Ilaçet pa recetë ndaj të ftohtit dhe gripit mund të reagojnë pas pirjes së alkoolit dhe mund të shkaktojnë pagjumësi dhe marramendje.
Kjo është veçanërisht e rëndësishme nëse keni ndërmend të vozitni.
