Superliga e Kosovës do të vazhdojë me ndeshjet e xhiros së 11-të që do të zhvillohen në fundjavë.
Tri ndeshje do të zhvillohen ditën e shtunë, derisa dy të tjera të dielën me fillim nga ora 13:00.
Llapi rikthehet në stadiumin ‘Zahir Pajaziti’, ku do të jetë nikoqir i Dritës të shtunën nga ora 13:00.
Po të shtunën zhvillohen edhe dy sfidat të tjera, Gjilani – Feronikeli dhe Malisheva – Ulpiana.
Ndërkohë ditën e diel në program janë edhe dy ndeshje të tjera për tu zhvilluar.
Kryendeshja e kësaj xhiro zhvillohet në Suharekë, ku Ballkani pret Prishtinën.
Ndërkohë takimi tjetër i ditës së diel luhet në Skenderaj, ku Drenica pret Dukagjinin e Klinës.
