Dialogu mund të zgjasë me vite, mos të lidhet me viza, thotë Konjufca

Nga
OXYGEN2
-
0
38

Kryekuvendari Glauk Konjufca ka thënë sot para mediave se procesi i liberalizimit të vizave nuk duhet të lidhet me dialogun me Serbinë.

Ai tha se dialogu mund të zgjasë.

“Do të ishte mirë që institucionet tona mos t’i lidhin liberalizimin e vizave me dialogun që ka të bëjë me Serbinë. Nëse dikush mendon që liberalizimi i vizave duhet të vendoset si kush shtesë për Kosovën në relacion me dialogun me Serbinë, ky është lajm shumë i keq për qytetarët meqenëse kriterët për plotësimin e të gjitha kushteve, Kosova i ka përmbyllur në vitin 2017. Prej 2018 çdo zyrtar evropian ka thënë që Kosova i ka plotësuar kushtet”.

“Liberalizimi i vizave nuk duhet të përzihet me dialogun me Serbinë. Dialogu mund të zgjatet me vite të tëra, nuk përjashtohet ajo mundësi. Por vështirë është të përfundojë shpejt dialogu kur Vuçiqi mendon që mund të marrë diçka në Kosovë me këto qëndrime të tij, dialogun mos e përjashtoni që mund të zgjasë me vite por liberalizimi i vizave s’mund të lidhet me këtë proces sepse qytetarët mbesin peng pastaj”, tha kreu i Kuvendit, njofton Klankosova.tv.

ARTIKUJ TË NGJASHËMMË SHUMË NGA AUTORI