Senati amerikan miratoi një përpjekje gjithëpërfshirëse për të forcuar aftësinë e vendit për të konkurruar me ambiciet ekonomike dhe politike të Kinës, duke investuar miliarda dollarë në kërkimin shkencor amerikan dhe prodhimin në të gjitha industritë, përfshirë inteligjencën artificiale, robotikën dhe shërbimet e tjera.
Paketa prej çerek trilion dollarësh, e aprovuar me 68 vota pro dhe 32 kundër, ndan 52 miliardë dollarë edhe për mungesën e prodhimit kombëtar të çipave, shkak për ngadalësimin e prodhimit të makinave, laptopëve dhe video-lojërave.
Projektligji gjithashtu forcon rregullat e pronës intelektuale të vendit, i jep qeverisë federale autoritet të ri për të kufizuar vizitorët e huaj që mund të kryejnë veprimtari spiunazhi dhe imponon një bojkot “diplomatik” të Lojërave Olimpike që do të mbahen në Kinë vitin e ardhshëm.
