Dhjetëra mijëra njerëz protestuan përsëri në disa qytete të Brazilit kundër presidentit të shtetit, Jair Bolsonaro, për mënyrën sesi ai është duke e menaxhuar situatën me pandeminë COVID-19.
Rreth 10,000 njerëz të maskuar marshuan në Rio de Janeiro, duke iu përgjigjur thirrjeve nga organizatat e majta dhe lëvizjet studentore.
“Askush nuk dëshiron të jetë në rrugë në mes të një pandemie. Bolsonaro nuk lë asnjë alternativë. Ne jemi në rrugë për të mbrojtur jetën. Ne nuk do të presim për zgjedhjet presidenciale që do të mbahen vitin tjetër. Ky është vetëm fillimi “,ka thënë udhëheqësi i Lëvizjes së Punëtorëve të Pa Strehuar, Guilherme Boulos.
