Përgjigje për pyetjet mbi avionët, që me gjasë nuk i dini

0
378

Nga forma e dritareve e deri te ushqimi, ka disa gjëra rreth avionëve për të cilat njerëzit janë kuriozë, si:

1. Pse dritaret janë të rrumbullakëta?

Kjo formë e dritares është e rëndësishme për sigurinë. Dritaret katrore janë të rrezikshme sepse këndet e mprehta janë pikat e dobëta të aeroplanit që mund të çahen për shkak të presionit të ajrit. Këndet e rrumbullakosura ulin rrezikun e thyerjes së dritareve. Format rrethore gjithashtu mund t’i rezistojnë më mirë deformimit të shkaktuar nga ndryshimet në presion.

2. Pse ka një vrimë në dritare?

Ka 3 shtresa xhami në dritare. Xhamat e mesëm dhe të jashtëm janë më të rëndësishmit sepse janë të nevojshëm për të mbajtur ndryshimin e presionit midis kabinës dhe pjesës së jashtme. Shtresa e mesme ka një vrimë në të, të quajtur “vrima e frymëmarrjes”. Kjo vrimë lejon që presioni të ekuilibrohet midis kabinës së pasagjerit dhe hendekut të ajrit midis xhamave.

3. Pse avionët kanë drita të kuqe dhe jeshile te krahët?

Këto drita përdoren për udhëtimin. Drita e kuqe ndodhet në krahun e majtë të avionit dhe drita jeshile ndodhet në krahun e djathtë. Në këtë mënyrë, avioni bëhet më i dukshëm natën dhe gjithashtu u tregon pilotëve të tjerë dhe kontrollit të trafikut ajror në cilin drejtim po lëviz. Kombinimi i këtyre 2 ngjyrave gjithashtu e bën më pak të mundshme që një avion të ngatërrohet me objekte të tjera, si dronë për shembull.

4. Pse krijohet një ndjesi sikur fundosesh menjëherë pas ngritjes?

Sapo një avion ngjitet, shpejtësia e nxitimit zvogëlohet. Kjo mund t’ju bëjë të ndiheni pa peshë. Teksa avioni po ngjitej lart, ju po ngjiteshit me të. Më pas, trupi juaj lëviz lart për shkak të inercisë.

5. Po sikur të hapet dera e avionit në mes të fluturimit?

Nuk ndodh. Dera mbyllet mekanikisht dhe kontrollohet nga piloti. Mund të hapet manualisht, por vetëm kur të uleni dhe piloti të heqë kontrollin. Gjatë fluturimit, megjithatë, nuk është e mundur sepse presioni i kabinës, i cili është më i lartë se presioni i jashtëm, e mban mbyllur.

6. Pse nuk kanë të njëjtët rripa sigurie si në makinë?

Që rripat e shpatullave të funksionojnë, duhet të jenë të lidhura me diçka të fortë, si një sedilje makine. Muret dhe sediljet e aeroplanit nuk janë të pajisura për këtë dhe modifikimet do ta bënin aeroplanin më të rëndë, që do të thotë se do të nevojitej karburant shtesë.

7. Pse është freskët?

Temperatura në bordin e avionit është e freskët me qëllim. Kjo ka të bëjë me një gjendje mjekësore të quajtur hipoksi, e cila ndodh kur trupi nuk merr oksigjen të mjaftueshëm. Kjo gjendje e kombinuar me ajrin e ngrohtë mund të rrisë rrezikun për të humbur ndjenjat.

8. Pse ofrojnë lënd domateje?

Ajri i thatë ndikon te nuhatja. Aromat e ëmbla dhe të kripura kanë shije më pak intensive për për shkak të presionit të ulët të ajrit dhe zhurmës në sfond. Lëngu i domates është kaq i popullarizuar në avionë për shkak të ndryshimit në mënyrën e shijimit të ushqimeve. Ndërkohë që shijet e ëmbla bëhen më pak të ëmbla dhe kështu më pak të këndshme për ne, shija umami rritet për shkak të zhurmës së lartë të sfondit. Kjo është arsyeja pse ne dëshirojmë diçka si lëng domateje.

Burimi: Bright Side