Një zotim më shumë i përmbushur, kështu fare lehtë mund të konstatohet për projektin e ri që nisi sot, për rregullimin e Qendrës së Trajtimit të Përkohshëm të qenve endacak dhe Tregut të Kafshëve në fshatin Muhoc të Ferizajt.
Në nisje të punimeve për këtë projekt, mori pjesë i pari i Ferizajt, Agim Aliu, bashkë me drejtorin e Drejtorisë së Bujqësisë dhe Pylltarisë, Burim Bajrami.
Në anën tjetër, drejtori Bajrami tha se ky projekt si i tillë është unik në Kosovë dhe do të jetë ndihmesë e madhe për tregtarët e kafshëve por edhe për të minimizuar shqetësimet sa i përket rreziqeve nga qentë endacak.
Pra, Ferizaj me këtë projekt rregullon hapësirën për trajtimin e përkohshëm të qenve endacak si dhe mundëson kushtet infrastrukturore sipas standardeve më të larta për tregtimin e kafshëve, gjë që bën këtë projekt të veçantë, tash që po implementohet dhe një zotim të përmbushur të qeverisjes lokale të drejtuar nga Kryetari Aliu.
