Këshilli i të Drejtave të Njeriut do të mblidhet javën e ardhshme në një seancë të jashtëzakonshme për zgjidhjen e konfliktit izraelito-palestinez, njoftuan sot Kombet e Bashkuara.
”Takimi, i parashikuar më 27 maj, është organizuar me kërkesë të Pakistanit, si koordinator i Organizatës për Bashkëpunimin Islamik dhe autoriteteve palestineze, të cilët kanë mbledhur nënshkrime të mjaftueshme nga 47 vendet anëtare të Këshillit”, theksoi OKB në një komunikatë.
“Gjatë këtij takimi, vendet do të shqyrtojnë situatën e rëndë të të drejtave të njeriut në territoret e pushtuara palestineze, duke përfshirë këtu Jeruzalemin Lindor”, shtoi i njëjti burim.
