Pajtim Kasami është duke kaluar një formë mjaft të mirë në kampionatin e Zvicrës, me fanellën e Bazelit.
28-vjeçari shqiptar, realizoi edhe mbrëmjen e sotme, në përballjen ndaj Luganos, ku skuadra e tij arriti të triumfonte me rezultatin 2-0.
Ky ishte goli i 11-të në kampionat për shqiptarin, i cili gjithashtu ka dhënë dhe 3 asiste për shokët e skuadrës. Kasami u transferua në merkaton e verës nga skuadra e Sionit, te prestigjiozët e Bazelit, duk u shndërruar në një lider.
