Ditëve të para të javës vransira dhe diell, rënie e lehtë e temperaturave. Nga mesi i javës mundësi për reshje të dobëta shiu.
2.05.2021 – Në ditët e para të javës së parë të muajit maj, do të mbajë mot me vransira dhe diell, por nuk priten të reshura, e temperaturat pësojnë një rënie të lehtë përreth vlerave mesatare.
Nga dita e mërkurë do të mbajë mot i ndryshueshëm, me diell e vransira, e që mund të shoqërohen edhe me reshje të dobëta shiu mbrëmjes e së mërkurës. Të premten parashihet mot kryesisht me diell dhe shumë i ngrohtë me temperatura deri në 25C, e kryesisht me diell mbetet edhe në fundjavë, por temperaturat zbresin përreth vlerave mesatare.
Pluhuri saharian, që depërtojë mbi rajon ditëve të fundit, nga dita e hënë, zhvendoset në juglindje, e cilësia e ajrit në ditët e para të javës do të jetë në vlera të pranueshme dhe të mira, vetëm vende-vende mund të kaloj edhe në vlera mesatare.
Në ditët e ardhshme, tashmë indeksi UV, i rrezatimit ultravjollcë do të jetë në rritje në vlera të larta dhe shumë të larta ditën e mërkurë, ku preferohet ekspozim më minimal në diell orëve të mesditës.
