Data Ndërkombëtare për Mbrojtjen e të Drejtave të Konsumatorëve shënohet çdo vit me 15 mars. Këtë vit, INDEP do të shënoj këtë ditë me dy ngjarje.
• Ngjarja e parë do të shënohet me Konferencën vjetore, e cila këtë vit trajton temën “Mbrojtja e konsumatorëve gjatë pandemisë në Kosovë”. Konferenca do të mbahet me fillim nga ora 10:00 deri në orën 11:30 në Hotel Sirius. Për shkak të kufizimeve si mbrojtja ndaj përhapjes së COVID-19, numri i pjesëmarrësve në konferencë është i limituar, prandaj vetëm 30 pjesëmarrës do të lejohen të jenë të pranishëm në event. Të interesuarit mund të na shkruajnë përmes mesazhit në faqen “Mbrojtësit e Konsumatorëve”.
Konferenca “Mbrojtja e konsumatorëve gjatë pandemisë në Kosovë” do të moderohet nga z. Dardan Abazi, Drejtor i Programit në INDEP, dhe si panelistë do të ketë përfaqsues të Departamentit për Mbrojtjen e Konsumatorit në MTI, përfaqësues të Agjencisë së Ushqimit dhe Veterinarië, si dhe përfaqësues të organizatave që merren me mbrojtjen e konsumatorit. Gjithashtu, virtualisht në konferencë do të lidhen edhe përfaqësues të organizatës Consumers International.
