Zyra e OKB-së për të drejtat e njeriut shprehu shqetësim të martën që Zvicra është vendosur të bashkohet me disa vende të tjera ku “diskriminimi aktiv i grave myslimane” është i ligjshëm, pasi votuesit zviceranë miratuan ndalimin e mbulesave të fytyrës si burkat dhe nikabet që veshin disa gra myslimane.
Në një referendum të dielën, votuesit zviceranë miratuan një masë për të ndaluar veshjen e burkave dhe nikabeve.
Sipas AP, përcjell Telegrafi, Ravina Shamdasani, një zëdhënëse e zyrës për të drejtat, pranoi se ishte një “çështje përçarëse” dhe tha se gratë nuk duhet të detyrohen të mbulojnë fytyrat e tyre, por “përdorimi i ligjit për të diktuar atë që gratë duhet të veshin është problematik nga një perspektivë e të drejtave të njeriut”.
