Zëdhënësi i Bashkimit Evropian, Peter Stano ka deklaruar se pas 10 vjetësh të dialogut Kosovë-Serbi është koha për të ecur përpara dhe për ta çuar procesin në një fund të suksesshëm.
Stano në një konferencë për media mes tjerash ka përmendur edhe vizitën e emisarit të BE-së për dialogun, Mirosllav Lajçak në Kosovë javën e kaluar ka theksuar se “ai mori garanci nga të dy palët se ekziston dëshira për të vazhduar përfshirjen në procesin e normalizimit të marrëdhënieve, i cili ndërmjetësohet nga BE”.
“Tani po punojmë intensivisht me të dyja palët për të arritur një marrëveshje gjithëpërfshirëse për normalizimin e marrëdhënieve. Shtetet anëtare të BE po presin që dialogu të vazhdojë sa më shpejt të jetë e mundur dhe të shohim Beogradin dhe Prishtinën të angazhuar në përfundimin e suksesshëm të këtij procesi dhe si sa më shpejt të jetë e mundur “, tha ai.
