Raportuesja për Kosovën në Parlamentin Europian, Viola von Cramon, ka thënë se duhet respektuar vendimi i sotëm i Gjykatës Supreme dhe se partitë politike në Kosovë duhet të bëjnë një fushatë korrekte.
“Pas vendimit të Gjykatës Supreme për të ndalimin e Albin Kurtit nga kandidimi në zgjedhjet e jashtëzakonshme, dua të theksoj se të gjitha partitë politike të Kosovës duhet të respektojnë vendimin e Gjykatës Supreme dhe shpresoj se ato do të bëjnë një fushatë korrekte në javët e ardhshme”, ka shkruar ajo në Twitter.
Supremja ia ka pranuar pjesërisht ankesën Lëvizjes Vetëvendosje lidhur me certifikimin e kandidatëve për deputetë.
