Një ekspert në Mbretërinë e Bashkuar tha se varianti i ri i koronavirusit ka të ngjarë të jetë në shumicën e vendeve europiane ose në të gjithë rajonin.
Neil Ferguson, drejtori i Qendrës MRC për Analizën Globale të Sëmundjeve Infektive në Imperial College London, tha se përsa kohë ekspertët vunë re dhjetë raste të varianit të ri në një vend si Danimarka me një normë relativisht të ulët të infeksionit, do të thotë se virusi është futur në shumicën e vendeve, për të mos thënë në të gjitha shtetet raporton Euronews.
Deri tani, vetëm disa raste të variantit të ri, i cili u raportua për herë të parë në Mbretërinë e Bashkuar në shtator, janë regjistruar ndërkombëtarisht. Rastet janë gjetur në Islandë, Danimarkë, Hollandë, Itali dhe Belgjikë, sipas Organizatës Botërore të Shëndetësisë. Jashtë Europës, ka pasur katër raste të konfirmuara të variantit të ri në Australi.
