Presidenti amerikan Donald Trump ka akuzuar Administratën e Ushqimit dhe Barnave – FDA për vonesë të qëllimshme të punës për një vaksinim të coronavirusit në mënyrë “që të prishë shpresat e tij për rizgjedhje”.
Komentet e tij erdhën pasi Pfizer dhe kompania gjermane e bioteknologjië BioNTech, njoftuan se vaksina e tyre kundër koronavirusit ishte më shumë se 90% efektive në provat klinike.
Në një seri postimesh në Twitter, Trump pretendoi se gjithmonë e kishte ditur se “Pfizer dhe të tjerët do ta shpallnin lajmin e një vaksine vetëm pas zgjedhjeve” dhe se Administrata e Barnave dhe Ushqimit duhet ta kishte njoftuar këtë më herët, “jo për qëllime politike, por për të kursyer jetë.”
Të dhënat e tyre tani do të shkojnë në FDA për miratim dhe pasi FDA të japë dritën jeshile një program vaksinimi masiv mund të fillojë.
