Presidenti amerikan, Donald Trump, i cili rezultoi pozitiv me COVID-19, u shtrua dje në mbrëmje vonë në një spital ushtarak, duke theksuar në një videomesazh të shkurtër se ishte mirë.
Trump, i cili mbante maskë, përshëndeti shkurtimisht gazetarët, të pranishëm në Shtëpinë e Bardhë, por nuk tha asgjë dhe hipi në helikopterin presidencial “Marine One”, i cili u ngrit menjëherë më pas.
Sipas zëdhënëses së tij Kayleigh McEnany, presidenti amerikan do të rrijë për disa ditë në spitalin ”Walter Reed”, në kuadër të një kujdesi ekstrem dhe me rekomandimin e mjekut dhe ekspertëve të tij mjekësorë.
