Komisioni Qendror i Zgjedhjeve mbajti mbledhjen e parë pas emërimit të anëtarëve të rinj nga Presidenti i Republikës së Kosovës, të kryesuar nga kryetarja, Valdete Daka.
Në këtë mbledhje, Komisioni Qendror i Zgjedhjeve miratoi rekomandimin për Presidentin e Republikës së Kosovës lidhur me kandidatët e radhës për deputetë të Kuvendit të Kosovës që do të zëvendësojnë deputetët e deritashëm, sipas listave të subjekteve politike përkatëse.
Nga subjekti politik Lëvizja VETËVENDOSJE! rekomandohet që:
- Enver Haliti të zëvëndësojë Albin Kurtin;
- Alban Hyseni të zëvendësojë Glauk Konjufcën;
- Arta Bajralija të zëvëndësojë Albulena Haxhiun;
- Fitim Haziri të zëvëndësojë Arben Vitia dhe
- Eman Rrahmani të zëvëndësojë Haki Abazin.
Nga subjekti politik Lidhja Demokratike e Kosovës rekomandohet që:
- Hatim Baxhaku të zëvëndësojë Anton Qunin;
- Fidan Rekaliu të zëvëndësojë Lumir Abdixhikun;
- Xhavit Uka të zëvëndësojë Avdullah Hotin;
- Besa Gaxherri të zëvëndësojë Hykemete Bajramin dhe
- Shkumbin Gashi të zëvëndësojë Besian Mustafën.
Nga subjekti politik Nova Demokratska Stranka rekomandohet që:
- Zikreta Aliti të zëvëndësojë Emilija Redžepi.