Si çdo vikend tjetër, edhe kjo e shtunë (2 nëntor), do të jetë shumë e veçantë për fëmijët që e duan teatrin dhe shfaqjet që përputhen me personazhet që ata duan dhe me imagjinatën e zhvilluar të tyre.
“Mustaqoshi Larosh”, me dramatizim dhe regji të Melihate Qenës, është shfaqja që do t’i argëtoj fëmijët përgjatë kësaj dite, e cila do të shfaqet në Teatrin “Dodona”, në Prishtinë, nga ora 12:00-13:40.
Fabula e kësaj shfaqje është kjo: Një vajzë e vogël e ka një manar të vetin. E do, kujdeset për të, e mëson gjëra të ndryshme, por ai, maçoku si maçok, nuk kupton se nuk kupton. Dhe një ditë, vajza duhet t’i lë lojërat dhe të shkojë në shkollë. Se a do të arrijë vajza ta mësoj maçokun e vet, do ta kuptoni në shfaqje.
