Sonte në Teatrin Kombëtar të Kosovës mund të shihni reprizën e shfaqjes “KALIGULA” me regji nga Kushtrim Koliqi, transmeton OxygenPress.
Shfaqja vjen si reagim ndaj realitetit kosovar, për pabarazinë dhe anomalitë e ndryshme po mbysin shoqërinë kosovare.
Shfaqja flet për një princ relativisht të dashur në fillimet e mbretërimit. Pas vdekjes së të dashurës së tij, Drusilës, ai kupton se bota nuk është e kënaqshme. Prej këtij çasti, i pushtuar nga ideja e së pamundurës, i helmuar nga përbuzja, ai tenton përmes vrasjeve sistematike të ushtrojë një liri që në fund zbulon se është e gabuar.
