Real Madridi është duke kaluar një periudhë tepër të vështirë. Gjendja u përkeqësua edhe më tepër këtë fundjavë, kur “Mbretërit” u turpëruan nga Eibar i mposhti me rezultat 3:0.
Për situatën e krijuar ka reaguar mesfushori Toni Kroosi, i cili nuk i ka kursyer kritikat për repartin e mbrojtjes. Mesfushori gjerman thotë se ekipi nuk ishte në lartësinë e duhur dhe duhet të rikthehet patjetër në ndeshjen ndaj Romës.
“Sigurisht që jemi të zhgënjyer me ndeshjen. Nuk ishim mirë dhe Eibari e meritoi plotësisht rezultatin. Është e vështirë të shpjegosh se çfarë ndodhi, por nuk na doli ndeshja siç e kishim parashikuar. Nuk e di nëse është kjo ndeshja më e dobët që kemi bërë. Por duhet të përmirësohemi shumë në mbrojtje. Pësojmë shumë gola dhe të martën na pret një ndeshje e vështirë. Duhet të ndryshojmë dhe të marrim rezultat pozitiv”, ka thënë Kros.
