Administrata e presidentit të SHBA, Joe Biden zbuloi strategjinë për t’iu kundërvënë kërcënimeve të rënda dhe në rritje të terrorizmit të brendshëm.
Agjencitë amerikane të sigurisë arritën në përfundimin, në një vlerësim të kërcënimit, se kërcënimi ishte më i madh nga ekstremistët racorë ose etnikë, që mbështesnin epërsinë e bardhë, si dhe ekstremistët antiqeveritarë.
”Strategjia e terrorizmit të brendshëm është krijuar për të kuptuar dhe shkëmbyer informacione në lidhje me terrorizmin e brendshëm; parandaluar rekrutimin dhe mobilizimin e terrorizmit në familje dhe shkatërrimin dhe dekurajimin e terrorizmit të brendshëm”, deklaroi Shtëpia e Bardhë.
