Presidentja e vendit Vjosa Osmani, ka deklaruar sot se Kosova nuk është shtet i cili destabilizon vendet tjera në rajon, përkundrazi, është Serbia ajo që duhet të bëhet fqinj i mirë.
Osmani ndërsa mori pjesë sot në një bashkëbisedim virtual, organizuar nga organizata amerikane Atlantic Council, deklaroi se Kosova merr pjesë në dialog me Serbinë, për të arritur marrëveshje me njohje reciproke, transmeton klankosova.tv.
Mes tjerash ajo u shpreh se Kosova ka vendosur të ulet në tryezë të bisedimeve me dëshpërim, pavarësisht se Serbia nuk ka pyetur kurrë për faljen.
”Në këtë proces, do të takohemi në qershor”.
”Kosova po shkon e gjitha e përgatitur me synimin për të kontribuar në marrëveshje përfundimtare cilësore”.
”Është koha që Serbia në fakt të vendosë se çfarë dëshiron. Pala kosovare gjithmonë ka treguar se është palë konstruktive në dialog. Ne gjithmonë kemi zgjeruar dorën e bashkëpunimit tonë në këtë proces”.
Në këtë diskutim mes tjerash Osmani tha se përveç njohjes reciproke, Serbia duhet të hap arkivat e saj për të kthyer të zhdukurit e luftës.
”Kosova është e përgatitur që të shkojë në bisedime për të arritur një marrëveshje reciproke që ka në qendër të saj njohjen reciproke mes Kosovës dhe Serbisë”.
”Mendoj se do të varet se si do të sillet Serbia në dialog, dhe se çfarë mendon me të vërtetë për anëtarësimin e e saj në BE- teksa bashkëpunon ushtarakisht dhe ekonomikisht me Rusinë”.
”Unë si presidente e Kosovës, mendoj se vlerat multi-etnike janë duke u implementuar në të gjitha sferat në vend dhe jam krenare për këtë. Është koha që Serbia të vendosë se çfarë dëshiron, Kosova gjithmonë ka shfaqur konstruktivitet dhe kemi shtrirë dorën e bashkëpunimit”.
