Ka dhënë dorëheqje ushtruesi i detyrës së drejtorit të Telekomit të Kosovës, Zeqir Kiqina.
Burimet e KlanKosova.tv bëjnë të ditur se kjo erdhi për shkaqe shëndetësore.
Kiqina ishte emëruar në këtë detyrë në gusht të vitit të kaluar.
Jep dorëheqje u.d. i drejtorit të Telekomit
Kjo është konfirmuar edhe nga Departamentit për Relacion me Publik i kësaj kompanie, ku thuhet se Kiqina gjatë kësaj jave do t’i nënshtrohet një operimi të rekomanduar nga mjeku dhe se siç thuhet, ka qenë e pamundur që ai të vazhdojë tutje me udhëheqjen e kompanisë dhe me qëllim që të mos ketë asnjë ngecje në menaxhimin e saj, ka kërkuar nga bordi që të lirohet nga kjo pozitë.
Po ashtu, nga bordi i drejtorëve është aprovuar edhe dorëheqja e u.d. të Zyrtarit Financiar dhe Thesarit.
“Dy zyrtarët e lartë të kompanisë konform proceduarave të brendshme do të kthehen në pozitat që i kanë pasur më herët”.
“Gjithashtu Bordi i Drejtorëve me vendim unanim ka emëruar si u.d i Kryeshefit Ekzekutiv – Burbuqe Hana dhe në pozitën e u.d të Zyrtarit Kryesor Financiar dhe Thesarit – Feim Kelmendin”, thuhet në komunikatën për shtyp.
