Zhdukja e Covid-19 nuk është aktualisht një “shënjestër e arsyeshme”, thotë një zyrtar i Organizatës Botërore të Shëndetësisë.
Dr. David Nabarro tha se njerëzit do të duhet të mësojnë të jetojnë me sëmundjen. Nabarro tha për Sky News: “Njerëzimi do të duhet të mësojë se si të bashkëjetojë me këtë virus, duke parandaluar që ai të shumohet dhe pastaj të rritet dhe të shkaktojë pika të nxehta të sëmundjes dhe ne do të duhet të jemi në gjendje për ta bërë këtë për të ardhmen e parashikueshme.”
“Zhdukja nuk është aktualisht një objektiv i arsyeshëm për botën. Ky virus nuk do të zhduket së shpejti, do të shfaqen variante.”
