Vazhdimësia e shkëmbimit të sulmeve izraelite dhe palestineze është “i papranueshëm”, tha sot Sekretari i Përgjithshëm i Kombeve të Bashkuara, Antonio Guterres, para Asamblesë së Përgjithshme, duke theksuar se “përleshjet duhet të mbarojnë menjëherë”.
“Jam thellësisht i tronditur nga bombardimet e vazhdueshme ajrore dhe artilerie nga Forcat e Mbrojtjes së Izraelit në Gaza, duke vrarë të paktën 208 palestinezë, përfshirë 60 fëmijë”, tha Guterres.
“Vazhdimi i zjarrit me raketa pa kriter nga Hamas dhe grupe të tjera militante në qendrat e popullsisë në Izrael, duke vrarë të paktën 12 persona, përfshirë dy fëmijë, është gjithashtu i papranueshëm”, shtoi ai.
