Ka përfunduar seanca gjyqësore ndaj shtatë personave të arrestuar për rastin ku janë kapur 400 kilogramë kokainë.
Njëri nga avokatët e personave të arrestuar, Besnik Berisha, në një deklaratë para mediave i ka quajtur të pabaza faktet e paraqitura nga ana e prokurorisë.
Prokuroria pretendon se të dyshuarit ishin në dijeni se brenda ngarkesës së kamionit kishte drogë.
Ky pretendim është hedhur poshtë nga ana e palës mbrojtëse.
Akoma nuk dihet se cili është verdikti i seancës e cila ka përfunduar para pak çastesh.
Gjykata Themelore e Prishtinës pritet që brenda pak orësh ta bëj të ditur vendimin lidhur me të dyshuarit, njofton Klan Kosova.