Në departamentin e krimeve të rënda të Gjykatës Themelore në Prishtinë u mbajt seanca fillestare ndaj ministrit Liburn Aliu dhe 5 të akuzuarëve të tjerë për akuzën e keqpërdorimit të detyrës zyrtare dhe mos zbatim të vendimeve gjyqësore, raporton Drejtësia Sot.
Në gjykimin e sotëm të udhëhequr nga gjyqtari Alban Ajvazi së pari u procedua me leximin e aktakuzës dhe deklarimin e të pandehurëve rreth fajësisë. Kështu pasi prokurorja Dulina Hamiti lexoi aktin e akuzës, të akuzuarit: Liburn Aliu, Ardian Olluri, Zejnullah Rexhepi, Nazife Krasniqi, Bahtie Uka dhe Mimoza Berisha-Prestreshi u deklaruan secili veç e veç se ndihen të pafajshëm dhe nuk e pranojnë fajësinë për akuzën në fjalë.
Pas këtyre deklarimeve, gjyqtari Ajvazi iu dha afat pales mbrojtëse që brenda 30 dite t’i paraqesin kërkesat për hudhje të aktakuzës dhe kundërshtim të provave. Po ashtu gjyqtari Ajvazi mori aktvendim seanca e shqyrtimit të dytë për këtë rast të mbahet për datën 7 qershor 2021 ora 10:00.
Kujtojmë se sipas aktakuzës së Prokurorisë e ngritur më 24 korrik 2020, Liburn Aliu, dhe personat Ardian Olluri, Zejnulla Rexhepi, Nazife Krasniqi, Bahtie Uka dhe Mimoza Berisha Prestreshi akuzohen se në cilësinë e personave zyrtar në Drejtorinë e Urbanizmit në Komunën e Prishtinës kanë keqpërdorur detyrën apo autoritetin zyrtar, duke mos zbatuar planin zhvillimor urban lidhur me ndërtimet në komunën e Prishtinës. Tutje aktakuza sqaron se të pandehurit e lartcekur duke refuzuar si të pabazë kërkesën për lejimin e kushteve ndërtimore iu kanë shkaktuar dëm disa të dëmtuarve nga Prishtina për caktimin e kushteve ndërtimore për ndërtimin e kompleksit të shtëpive individuale të banimit, në kuadër tëbllokut Urban dhe të planit rregullues Prishtina e Re Zona Perëndim për parcelat kadastrale.
Për më tepër aktakuza në dispozitivin e dytë të saj i akuzonpersont Ardian Olluri, Bahtie Uka dhe Mimoza Berisha Prestreshi po akuzohen se në cilësinë e personave zyrtar në Drejtorinë e Urbanizmit në Komunën e Prishtinës nuk kanë zbatuar vendimin nr. A-231/2017 të datës 06.09.2017 të Ministrisë së Mjedisit dhe Planifikimit Hapësinor, të njëjtit nuk kanë zbatuar Aktvendimin e Gjykatës Themelore në Prishtinë A.Nr.1827/17 të datës 08.11.2017, po ashtu nuk kanë zbatuar Aktvendimin A.nr 514/2017 të datës 30.11.2017 të Gjykatës sëApelit në Prishtinë, me të cilët Aktvendime refuzohet i pabazuar propozimi i paditësit Komuna e Prishtinës për shtyrjen e ekzekutimit të vendimit me numër A-231/17 të datës 06.09.2017, të Ministrisë së Mjedisit dhe Planifikimit Hapsinor.