Për shkak të situatës alarmante të pandemisë, Vjena, Austria e Ulët dhe Burgenland që nga e enjtja(1 prill) do të “mbyllen” deri me 11 prill. Kështu ka deklaruar edhe Ministri i Shëndetësisë, Rudolf Anschober.
Përveç dyqaneve ushqimore, higjienikë, dhe gjërave tjera të nevojshme për jetën e përditshme, të gjitha dyqanet tjera do të mbyllen.
Ndërkohë, për herë të parë në Vjenë, nga e enjtja deri me 11 prill do të bëhet e detyrueshme edhe bartja e maskës FFP2 në ajër të hapur, në vendet dhe sheshet më të frekuentuara të kryeqytetit austriak.
Këtë vendim e ka marr kryebashkiaku i Vjenës Michael Ludwig, i cili tha se maska FFP2, si dhe brenda, do të përdoret edhe jashtë në disa zona ku ka një përqendrim më të lartë të njerëzve. ”Ditëve të fundit janë parë grumbull i madh të personave duke qëndruar afër njëri tjetrit. Prandaj duhet të marrim masa për të ruajtur shëndetin e tyre dhe të tjerëve”, ka thënë Ludwig.
Vendet ku do të jetë e obligueshme bartja e maskave edhe në hapsira, në Vjenë, janë: Donaukanal, Stephansplatz Karlsplatz, Schwedenplatz, Maria – Theresien Platz Karlsplatz, shkruan derstandard.at, përcjell albinfo.at
Në 24 orët e fundit, janë regjistruar 3.687 raste të reja të infeksionit në Austri dhe 31 persona të vdekur, duke e dërguar numrin e përgjithshëm të vdekjeve në 9.339 persona.