Sot, Kryeministri i Republikës së Kosovës, z. Albin Kurti, priti në një takim Ambasadorin e Republikës së Shqipërisë në Kosovë, z. Qemal Minxhozi, dhe këshilltarin e tij, z. Artur Bushati.
Ambasadori Minxhozi e uroi Kryeministrin Kurti për marrjen e detyrës dhe shprehu gatishmërinë e përkushtimin e tij për të bashkëpunuar me Qeverinë e re për t’i forcuar marrëdhëniet mes dy vendeve tona.
Ai i dorëzoi Kryeministrit Kurti letrën e urimit të Kryeministrit Rama si dhe një shishe verë dhuratë për ditëlindje.
