Deputeti Faton Peci ka ndarë rrëfimin e tij si dëshmitar i masakrës së tregut në Mitorvicë, që ka ndodhur 22 vjet më parë.
Peci tregon se ishe vetëm 30-40 metra larg nga vendi ku shpërtheu bomba, njofton Klan Kosova
Deputeti thotë se në kujtesë e ka të ngulitur momentin e shpërthimit teksa britmat e qytetarëve pas eksplodimit i mban ende mend.
Postimi i plotë:
Sot 22 vite më parë, për koiçidencë e shtunë, ditë tregu në Mitrovicë, isha dëshmitar i masakres që u realizua përmes një predhe në tregun e qytetit.
Në kujtesë e kam të ngulitur momentin e shpërthimit të predhës, ku unë isha në një distancë 30-40 metra. Britmat e qytetarëve pas eksplodimit do të mbeten çdo herë në kujtesën time.
Edhe pse vetëm 15 vjeçar për mua indikative kanë qenë 2 elemente që janë tregues që masakra ishte rralizuar nga regjimi gjenocidal i Millosheviqit:
Policia nuk ishte prezent tek udhëkryqi i tregut, ku si rëndom qëndronin;
Helikopteri për pak sekonda është ngritur nga kazerma ushtarake në lagjen Bair, pas eksplodimit.
Kosova e pagoi cmimin e madh të lirisë, duke derdhur gjakun edhe të qytetarëve civil të pafajshëm.
I përjetshëm kujtimi për të rënët!