Gjermania, kontigjenti i së cilës në vend është i dyti pas atij të SHBA-së, do të zgjasë misionin ushtarak në Afganistan, njoftoi sot ministri i Punëve të Jashtme.
“Negociatat e paqes mes qeverisë afgane dhe talebanëve nuk do të përfundojnë para fundit të muajit mars, përfundimi i mandatit vjetor gjerman, theksoi në një intervistë, Heiko Maas për të justifikuar këtë zgjatje.
“Kjo është arsyeja pse ne duhet të përgatitemi për skenare të ndryshme, duke përfshirë këtu me një mandat të ri të Bundestagut, Dhoma e Ulët e Parlamentit gjerman”, shtoi ministri.
