Presidenti amerikan, Joe Biden premtoi një partneritet më të ngushtë mes SHBA-së dhe Afrikës dhe deklaroi se shpresonte të merrte pjesë personalisht në samitin e ardhshëm të Unionit Afrikan, një kthesë e politikës amerikane në këtë kontinent, injoruar gjerësisht nga paraardhësi i tij.
Në një mesazh video drejtuar për samitin e Unionit Afrikan, që zhvillohet këtë fundjavë me telekonferencë për shkak të pandemisë së koronavirusit, presidenti amerikan premtoi se do të punonte me afrikanët për prioritetet kyçe të luftës kundër virusit dhe ndryshimin e klimës, duke mbrojtur multilateralizmin për t’i dhënë fund konflikteve në kontinent
“Asnjë nga këto nuk do të jetë e lehtë, por SHBA-ja është tashmë e gatshme të jetë partneri juaj në solidaritet, mbështetje dhe respekt të ndërsjellë”, theksoi Joe Biden.
