Nga Hava Kurti Krasniqi
I mblodhi të gjitha gjethet
oborrin e fshiu vetë
si ndau sytë prej derës
fëmijët në gurbet
Një kafe të zezë e piu
pranë murit andej kah fqiu
andej kah vinte zhurma
dhe vaji i një fëmije
tirrte ashtu në fije
Paraditja shyqyrë që shkoi
erdhi e lumja drekë
i zjeu dhe ca fasule
pogaqen e bëri përqef
Kur u ulë për të ngrënë
ofshau me zërin e shtertë:
eh si mbushej kjo sofër
tash po gatuaj për qentë