Tre persona kanë sulmuar tre infermierë të Shërbimit të Urgjencës në Prizren.
Rasti ka ndodhur mbrëmë rreth orës 22:10.
Të dyshuarit janë arrestuar nga një ekip i policisë që ishin afër vendin të ngjarjes.
Sulmohen tre infermierë në Prizren, policia ndalon të dyshuarin
Ndërkaq të lënduarit janë dërguar për trajtim në Qendren Emergjente.
Kështu për Klan Kosova tha Shaban Osmanollaj, zëdhënës i policisë për rajonin e Prizrenit.
“Me datën 19.12.2020 rreth orës 22:10 nga Urgjenca është marrë informata se janë sulmuar nga disa persona të dyshuar. Me të marrë informatën një ekip i policisë kishte qëlluar afër vendit te ngjarjes dhe e kishte vënë situatën nën kontroll, duke ndaluar të dyshuarit dhe të njëjtit janë sjellë në stacionin policor për intervistim, ndërsa personeli mjekësor i sulmuar ishte nisur në drejtim të emergjencës për trajtim mjekësor”.
“Polici hetues kujdestar është informuar në lidhje me rastin dhe i njëjti e ka informuar Prokurorin e Shtetit i cili ka sugjeruar që të ndalohet për 48 orë ne ndalim policor njërin nga të dyshuarit. Rasti është duke u hetuar”.
