Në Bruksel do të mbahet raundi i ri i bisedimeve në nivel të ekspertëve mes Kosovës dhe Serbisë.
Bisedimet fillojnë në orën 10 të mëngjesit, me takime të ndara të delegacioneve me përfaqësuesin special të BE-së për dialog Mirosllav Lajçak, pasuar nga një takim trepalësh midis Prishtinës dhe Beogradit dhe ndërmjetësuesve të BE-së.
Gjatë ditës së djeshme drejtori i të ashtuquajturës Zyre Serbe për Kosovën, Petar Petkoviq, ka thënë se pala serbe do të insistojë në Asociacionin e Komunave Serbe, por edhe në sigurinë e familjeve të kthyera, njofton Klan Kosova.
