Federata Mjekësore e Japonisë (JMA) njoftoi se vala e tretë e pandemisë së koronavirusit të ri (COVID-19) ka marrë nën ndikim vendin që nga muaji tetor.
“Shpejtësia e rritjes së rasteve të reja në mbarë vendin nga muaji i kaluar deri më tani, përfshirë edhe Hokaidon, sërish është në rritje, për të cilën mund të themi se është vala e tretë”, theksoi në një konferencë për media kryetari i JMA, Nakagawa Toshio.
“Nëse rritja vazhdon kështu, sistemi shëndetësor do të përballet me vështirësi. COVID-19 duhet të merret nën kontroll sa më shpejt të jetë e mundur”, theksoi ai duke tërhequr vëmendjen për sistemin shëndetësor.
