Përgjatë 24 orëve të fundit në Kosovë janë konfirmuar 596 raste të reja me koronavirus.
IKSHPK konfirmon se këto raste janë regjistruar nga një mijë e 559 mostra të marra në këtë periudhë kohore.
Me rastet e fundit në Kosovë që prej 13 marsit kur është shënuar rasti i parë, janë konfirmuar si të prekur me këtë virus 25 mijë e 388 veta.
Me pesë viktimat e fundit të regjistruara në vend deri tash si pasojë e këtij virusi kanë ndërruar jetë 773 persona.
Deri më sot virusin e kanë mposhtur 16 mijë e 362 persona, ndërkaq numri i rasteve aktive është 8 mijë e 253.