U.d. e Presidentes, dr. Vjosa Osmani, takoi sot shefin e Zyrës së BE-së, në Kosovë,z. Tomas Szunyog, si dhe ambasadorët e vendeve të Kuintit.
Znj. Osmani i informoi ambasadorët e Kuintit me zhvillimet e fundit politike në vend dhe rolin e saj si ushtruese e detyrës së Presidentes në ruajtjen e stabilitetit institucional, unitetin politik, si dhe maturinë dhe kujdesin të cilin institucionet e vendit po e tregojnë në këtë fazë.
Ajo tha se do të punojë fuqishëm me të gjitha institucionet e vendit, partitë politike dhe ambasadat e vendeve mike, për ta forcuar më tej jetën politike dhe institucionale në vend.
