Një grua e bukur nuk është thjesht ajo me gjoks te madh, me buzë të plota, me lëkurë pa asnjë rrudhë apo ajo me fytyrë pa asnjë shprehje, e ndoshta “të ngrirë” nga botoxi apo ajo që ka thjesht sytë e bukur.
E bukur është gruaja e ndjeshme, e fortë dhe në të njëjtën kohë e brishtë, ajo që ka përjetuar vështirësitë e jetës, ajo që ka tejkaluar vuajtjet, ajo që ra dhe u ngrit përsëri dhe tani është një person i vërtetë, i fortë, i përulur dhe i sinqertë.
E bukur është gruaja lotët e së cilës përbëhen nga 10% ujë dhe 90% ndjenja. Është gruaja serioze, plot dritë, por kurrë sipërfaqësore, e mençur dhe e gëzuar, e sigurt dhe dyshuese, që lexon dhe është e uritur për dije.
