Nga Jahë Jusufi
Në cilën kategori bëjmë pjesë?
1.Shumë po flitet për subvencione e ndihma llojesh të ndryshme nga shteti për kohën e pandemisë . Dy djem i kam në sektorin privat . Ka në lagje e në fshat plot të tjerë të tillë , por nuk kam dëgjuar se a kanë përfituar diçka ! Ata dhe shokët e tyre , pas pauzës pandemike , vazhdojnë të zgjohen në 5.30 e të vijnë në 19 . I marrin nga 10-15 euro e besa disa as këto nuk i marrin. Kurrkush nuk mërzitet për ta . Vetëm kur vdes ndonjë nga skelet , bëhet njëfarë zhurme mediale dhe kryhet !
2. Shumica e fshatarëve tani kanë vetëm 4-50 ari ose deri një hektar . Ministria e Bujqësisë për të tillët nuk financon fare . Financon ata që rregullojnë dokumente kinse mbi 2 hektarë e që shumica i falsifikojnë . Personalisht sivjet i pata mbjellë 30 ari e i mora 800 kg grurë . Kur i llogarita : lavra,lesimi,plehu, korrja deri të mielli , dola në humbje për 3-40 euro . Nejse , sëpaku e sigurova ushqimin për një periudhë – për PULA ! Pra , nëse nuk bëhet njëfarë ndihme për ne shumicën ” të vegjlit ” , por shumë të sinqertë , bujqësia në këto anë do të degradojë tërsisht . Pse nuk bëhet financimi në bazë të kg të dorëzuar në depo ? Shumë thjeshtë, psh për 1000 kg 20-30 euro . Kështu do të përfitonin të gjithë, e jo vetëm falsifikatorë e ” zinxhina “. Tokat po mbeten djerrina . Ani , ani . Edhe në ish sisteme , gjitmonë ka pasur, një grusht përfituesish, po ku është shumica ?
