Kryetari i Komunës së Istogut Haki Rugova, nënkryetari iKomunës së Istogut dhe një zyrtar tjetër nga kjo komunë me urdhër të Prokurorisë së Pejës janë vënë nën pranga, raporton Drejtësia Sot.
I kontaktuar nga Drejtësia Sot, zëdhënësi i Prokurorisë së Pejës Shkodran Nikqi, e konfirmoi arrestimin e kryetarit Rugova dhe dy zyrtarëve të tjerë.
Sipas zëdhënësit Nikqi, tre personat e arrestuar janë ndaluar për 48 orë për shkak të dyshimeve se kanë kryer veprat penale si “Keqpërdorim i pozitës apo autoritetit zyrtar, “Konflikt i interesit” dhe “Falsifikim i dokumentit zyrtar”.
