Nga Ambra Hysa
Një grua e fortë …
Kur ju shohin si një grua të fortë, ata mendojnë se nuk keni nevojë për asgjë ose askënd, ju mund të përballoni gjithçka dhe do të kapërceni çdo gjë që ndodh rreth jush. Ju nuk e keni mendjen të dëgjoheni, të jeni të përkujdesura, ose të përkëdheleni.
Kur ju shohin si një grua të fortë, thjesht kërkojnë nga ju që t’i ndihmoni. Ata flasin me ju dhe mendojnë se ju nuk keni nevojë të dëgjoheni.
Një grua e fortë nuk pyetet nëse është e lodhur, vuan apo rrëzohet, nëse ka ankth ose frikë. Gjëja e rëndësishme është që ajo është gjithmonë atje: një far në mjegull ose një shkëmb në mes të detit.
Gruas së fortë nuk i falet asgjë. Nëse ajo humbet kontrollin, ajo bëhet e dobët. Nëse e humbet durimin, ajo bëhet histerike.
Kur gruaja e fortë largohet për një minutë, menjëherë vërehet, por kur është atje, prania e saj është e zakonshme.
Forca që duhet çdo ditë, për të qenë ajo lloj gruaje, nuk ka rëndësi për askënd.
Nderoni, njihni, respektoni dhe falënderoni gratë e forta në jetën tuaj, sepse ato gjithashtu duhet të jenë të përkëdhelura, të dashura dhe të ndjejnë se mund të pushojnë.
Kam njohur shumë gra të forta në jetën time, më kanë rrethuar gra të mrekullueshme me prezencë të artë, secila më frymëzon.
Ne kemi nevojë për gra që janë kaq të forta sa mund të jenë të buta, të arsimuara që të mund të jenë modeste, kaq të vendosura sa të mund të jenë të dhembshura, kaq të pasionuara që të mund të jenë racionale, dhe kaq të disiplinuara sa mund të jenë të lira .
Një grua e fortë qëndron për veten e saj. Një grua më e fortë qëndron për të gjithë të tjerët.
Një grua e fortë është ajo që ndjen thellë dhe dashuron fort. Lotët e saj rrjedhin si e qeshura e saj.
Një grua e fortë është njëkohësisht e butë dhe e fuqishme, është praktike por edhe shpirtërore.
Një grua e fortë është boshti ku mbështetet bota. “/supergrate.net/
