Nga Donika Shahini Lami
Ta ruajmë shëndetin mendor dhe t’ju ndihmojmë atyre që kanë nevojë për ndihmën njerëzore dhe profesionale për ta përqafuar jetën. Shëndeti mendor është mbi të gjitha. Koha për ta mundur stigmën rreth shëndetit mendor është tani. Në çdo sekond të jetës që po frymojmë!
Një fjalë e drejtë, një mbështetje profesionale dhe njerëzore me vend do të thotë shpëtim jete.
Për parandalimin e sjelljes vetëvrasëse, duhet trajtim dhe mjekimit adekuat, përcjellje e personave që kanë tentuar vetëvrasje si dhe raportim të përgjegjshëm tek personat adekuat.
Bashkëpunim dhe mbështetje familjare. Në dekadat e fundit prirja e vetëvrasjeve është në rritje, e sidomos tash gjatë pandemisë që po e jetojmë të gjithë. Ekspertët e Organizatës Botërore të Shëndetësisë paralajmërojnë rritje të vetëvrasjeve në njëzet vitet e ardhshme.
